Turqia i ka bërë thirrje bashkësisë ndërkombëtare të ndalojë “masakrën” në enklavën siriane të Ghoutas lindore, e cila po vazhdon të goditet nga bombardimet intensive të regjimit përkundër rezolutës së miratuar nga OKB-ja për armëpushim.

“Regjimi është duke kryer masakër në Ghoutan Lindore”, tha zëdhënësi i presidentit turk, Ibrahim Kalin përmes rrjeteve sociale, transmeton portali arbresh.info

“Bota duhet të bëhet bashkë dhe të ndalojë këtë masakër”, shtoi ai.

Sulmet e reja ajrore kanë goditur enklavën të shtunën, duke rritur deri në 500 numrin e civilëve të vrarë, përfshirë më shumë se 120 fëmijë.

Këshilli i Sigurimit të OKB-së ka miratuar unanimisht rezolutën për armëpushim.

Ministri i Jashtëm turk, Mevlut Çavusoglu i bëri thirrje Rusisë dhe Iranit që të “ndalojnë” bombardimet e regjimit në zonën që po konfiderohet si më e përgjakshmja nga i tërë konflikti.

Ndërsa Turqia ka mbështetur rebelët sirianë, Rusia dhe Irani janë mbështetës të fuqishëm të presidentit sirian Bashar al-Assad./arbresh.info/